‘n Skool se akademie is die aspek wat die grootste verskil in ‘n kind se toekoms kan maak.  Dit is daarom belangrik dat die akademie bydra tot die skep van ‘n positiewe selfbeeld by elke Dupie-druppel.  By Dupieland akkommodeer ons gelukkige, blinkoog kinders van graad RRR tot graad 7.

By Laerskool Du Preez van Wyk glo ons daarin om elke leerder in geheel te ontwikkel.  ‘n Gesonde liggaam huisves beslis ‘n gesonde gees.  Ons bied ‘n verskeidenheid sportsoorte aan, wat wissel van krieket, rugby, fietsry, atletiek en hokkie tot by netbal, perdry, skaak, tennis en gholf.

Dupieland is ‘n gebalanseerde skool waar kultuur nie net ‘n woord is nie, maar deel uitmaak van elke Dupie se ontwikkelingsmondering oppad hoërskool toe.  Du Preez van Wyk streef daarna om op verskeie gebiede leerders die geleentheid te bied om betrokke te wees by talle kultuuraktiwiteite.